الأحباب لي غدروا

خلاصت حكاية الأيام ودات معاها الفرح و كسرت الأوهام
بانت الحقيقة المخفية بعد زمان و بان كل واحد على صفتوا مع الأيـــام
عشنا في سما صافية وبعدها لقينا نفوسنا في سما بلا نجــــــــــــوم
ذقنا لمحبة ولحنانة وبعدها شربنا لمرار صح ماشي فلأحــــــــــلام
نهارنا ولا ليل و بسمتنا تحولت لدمعة الفرحة تبدلت لحزن والكل يتألــم
سمحوا فالغالي و باعوا القديم و بدلوه بالجديد الرخيس لي ما يرحــــم
سرقوا منا صغيرنا و روحوا علينا نيتنا نحاو منا الضحكة ومنعوا لي يتبسم
هدروا قالوا و حاولوا يقنعوا وكي سقسينا ما لقينا غير لي يزعـــــــــم
لعبوها قافزين و شطاروا مع الفايقين بصح في الواقع واحد ماراهو يفهــــــــم
غادرونا رجال و قعدو لنا الفتيان لي قتلونا بسكاتهم و حرمونا من لي يتكلم
زرعوا لحقد لكره ولغيرة و خلاونا ندوروا في دايرة الانتقــــــــــــام
حوسنا على الصفا و الهنا و ما لقينا غير لي يتحسر و يخمــــــــــــم
حكموا و قروا في بلاصتنا و زادوا قابلونا غير بلي يظلـــــــــــــــــم
حاولوا يكتموا و يخبوا و لكن كل شي باين واضح و الكل يعلــم
هذي هي حكايتنا الطويلة القصيرة و هكذا مشات ليام و غابت الأحـــــــــــلام

هذا عنوان المدونة ارجوا زيارتها و تزويدنا بتعليقاتكم http://hekayat3beniya.blogspot.com/[img][/img]